‘பிரதேசவாதமா ஜனநாயகப் பற்றாக்குறையா? (தமிழ் அரசியலை முன்னோக்கி நகரவிடாது தடுக்கும் உள்முரண்பாடுகள்)‘ எனும் வி.சிவலிங்கம் அவர்களின் கட்டுரையை அடிப்படையாகக் கொண்ட கலந்துரையாடல் களத்தில் எழுவான் வேலனால் முன்வைக்கப்பட்ட கருத்துக்களுக்கு பதில் கருத்துக்களை மீண்டும் முன்வைக்கிறார் வி. சிவலிங்கம்.
Category: தொடர்கள்
சொல்லத் துணிந்தேன் – 79
அரங்கத்தில் வெளியான கோபாலகிருஸ்ணன் அவர்களின் பதிவுக்கு எதிர்வினையாக முகநூல் பதிவொன்றில் வெளியான கருத்துகளுக்கு இந்த வாரம் பதிலளிக்கிறார் அவர். அரசியல் ரீதியான கேள்விகளுக்கு மாத்திரம் இங்கு கோபாலகிருஸ்ணன் பதிலளிக்கிறார். தன்மீதான தனிப்பட்ட தாக்குதல்கள் குறித்து, ஊடக தர்மம் கருதி அவர் கருத்து எதனையும் முன்வைக்கவில்லை.
பாரம்பரியம் புரியாமல் குலைக்கப்படும் கிழக்கின் முஸ்லிம் – தமிழ் உறவு (காலக்கண்ணாடி 45)
கிழக்கில் முஸ்லிம் – தமிழ் உறவு என்பது அந்தப் பிராந்தியத்தின் ஒரு பாரம்பரியம். அதனைப் புரிந்துகொள்ளாது தவறான முன்னெடுப்புக்கள் மூலம் கெடுக்கும் நடவடிக்கைகளில் அரசியல்வாதிகளும், மதத்தலைவர்களும் அவ்வப்போது ஈடுபடுகின்றனர். ஆனால், அந்த உறவை மீட்டெடுக்கும் சக்தி சாதாரண மக்களின் கைகளிலேயே இருக்கிறது என்று பல கடந்தகால ஆதாரங்களுடன் வாதிடுகிறார் அழகு குணசீலன்.
மலையக மக்களுக்கு துரோகம் செய்த யாழ் மேலாதிக்கம்-(சாதியும் பிரதேசவாதமும் – கருத்தாடல் களம் 04)
கிழக்கு மக்களுக்கு எதிராக மாத்திரமல்லாமல் மலையக தமிழ் மக்களுக்கு எதிராகவுமே யாழ் மேலாதிக்கத்தின் செயற்பாடு இருந்தது என்று கூறுகிறார் எழுவான் வேலன். தனது கூற்றுக்கான ஆதாரங்களை அவர் சுதந்திரம் கிடைத்த கால நிகழ்வுகளில் இருந்து முன்வைக்கிறார். தேசியக் கொடி விவகாரத்திலும் யாழ் மேலாதிக்க தலைவர்களின் செயற்பாடு குழறுபடியாக இருந்ததாகவும் அவர் குறிப்பிடுகிறார்.
சொல்லத் துணிந்தேன்-78
தோழர் பத்மநாபா பற்றிய தனது உரை ஒன்றை ஒட்டி இந்த வாரப் பத்தியை எழுதும் கோபாலகிருஸ்ணன் அவர்கள், அதிகாரப்பரவல் ஒன்றே தமிழர் பிரச்சினைக்கான ஒரே தீர்வு என்றும், ஆனால், அந்த விடயத்தில் அக்கறையற்ற போக்கை தமிழ் கட்சிகள் காண்பிப்பதாகவும் குற்றஞ்சாட்டுகிறார். ஆகவே அனைத்து தரப்பும் தேர்தல் அரசியலுக்கு அப்பால் இணைந்து, ‘அதிகாரப் பகிர்வு இயக்கம்’ ஒன்றினைக் கட்டியெழுப்ப முன்வர வேண்டும் என்றும் அவர் கோரிக்கை விடுக்கின்றார்.
சாதி என்பது தமிழர் மத்தியில் பழங்கதை அல்ல! (சாதியும் பிரதேசவாதமும் – கருத்தாடல் களம் 03 )
சாதி என்பது பழங்கதை, வர்க்க ரீதியிலேயே தமிழர் பிரச்சினையை நாம் பார்க்க வேண்டும் என்று இடதுசாரிகளால் பார்க்கப்படுவது குறித்த தனது கருத்தை இங்கு முன்வைக்கிறார் எழுவான் வேலன். சாதியும் சேர்ந்தே இன்றுவரை தமிழர் விவகாரங்களில் ஆதிக்கம் செலுத்துவதாக அவர் வாதிடுகிறார்.
கிழக்கு அரசியல்: பிரதேசவாதமா? (காலக்கண்ணாடி 44)
தமிழர் தாயகத்தில் சமூக பொருளாதார அரசியலில் மட்டுமன்றி கலை, கலாச்சார, பண்பாட்டு விழுமியங்களிலும் வேறுபட்டு நிற்கின்ற கிழக்கு மக்களின் அபிலாஷைகளை ஏற்றுக்கொள்ள மறுக்கின்ற போக்கானது அப்பட்டமான ஒடுக்குமுறையும், ஜனநாயகப் பற்றாக்குறையுமாகும் என்று வாதிடும் அழகு குணசீலன் அவற்றின் விளைவே கிழக்கின் தனித்துவ அரசியல் உணர்வு என்று கூறுகிறார்.
புலம் பெயர்ந்த சாதியம் 10
இலங்கையில் ஆரம்பத்தில் தமிழர் மத்தியில் சாதிய அடக்குமுறைகளுக்கு எதிரான போராட்டங்கள் ஓரளவு நடந்த போதிலும் 80களில் சிங்கள அரசாங்கத்தின் இனவாத அடக்குமுறைகள் அனைத்தையும் பேரினவாதத்துக்கு எதிரான திசையில் மாத்திரம் திருப்பி விட்டதாக கூறுகிறார் தேவதாசன்.
தலைமை மாடு முன்னால்……. பட்டி பின்னால்…….! (காலக்கண்ணாடி – 43)
இலங்கை விடயத்தில் அண்டை நாடுகள் உட்பட சர்வதேச சமூகம் தமது நலன்களை முன்வைத்தே தீர்மானங்களை எடுக்கின்றன. ஆனால், சர்வதேச சமூகத்தை உரிய வகையில் அணுகத்தெரியாமல் தமிழர் தரப்பு எல்லாவற்றையும் கடந்த காலம் போல குழப்பிக்கொள்வதாக விமர்சிக்கிறார் அழக் குணசீலன்.
மட்டக்களப்பில் பொலிவுபெறும் பொதுசன நூலகம் – 4
மட்டக்களப்பில் ஒரு நூலகம் அமைக்கப்படும் சூழ்நிலையில், ஒரு நூலகம் அமைய வேண்டிய விதம் குறித்த தனது அவதானங்களை தொடர்ச்சியாக எழுதிவரும், நூலகவியலாளர் என். செல்வராஜா அவர்கள், இந்தப்பகுதியில் கட்டட அமைப்பு பிரத்தியேகமான பிரிவுகளுக்கு எவ்வாறு ஒதுக்கப்பட வேண்டும் என்று பரிந்துரைக்கிறார்.