“சிங்கள மொழியைப் படிக்க மாட்டோம் என்று தொடங்கிய வேலை இழப்பு பின்னர், வீடுகளை இழப்பதாக, ஊர்களை இழப்பதாக, உறவுகளை இழப்பதாக, உடல் உறுப்புகளை இழப்பதாக, உயிரை இழப்பதாக என மொத்தத் தமிழ்ச் சமூகத்தையும் உருக்குலைத்தது.
விடுதலைப்போராட்டத்தில் – அதுவும் ஆயுதமேந்திய விடுதலைப் போராட்டத்தில் இவ்வாறான இழப்புகள் ஏற்படுவது தவிர்க்க முடியாதது என்பது புரிந்து கொள்ளப்பட வேண்டும். அப்படியென்றால், அந்த இழப்புகளுக்கான பெறுமானமாக விடுதலை – உரிமை கிட்டியிருக்க வேண்டும். அதுதான் சாத்தியப்படவில்லை என்றால், அடுத்த கட்டமாக என்ன செய்ய வேண்டும்? சிதைந்தும் அழிந்தும் போயிருக்கும் மக்களின் – சமூகத்தின் வாழ்வையும் அரசியலையும் எப்படி முன்னெடுப்பது என்று நிதானமாகச் சிந்தித்திருக்க வேண்டும். அது நடந்ததா? இல்லையே!”
