Category: அறிவித்தல்கள்

“மாகாணசபை தேர்தல்கள் எட்டு வருடங்களாக நடத்தப்படாமல் இருப்பதால் மாகாணங்களின் நிருவாகங்கள் மக்கள்   பிரதிநிதிகளிடம் ஒப்படைக்கப்படாமல் அவர்களின் ஜனநாயக உரிமை மறுக்கப்படுகிறது என்ற கவலையில் அந்த தேர்தல் கோரிக்கை முன்வைக்கப்பட்டதாக கூறமுடியாது. அரசாங்கம் மக்கள் செல்வாக்கை இழந்து வருகிறது என்று காண்பிக்க வேண்டும் என்பதே இந்த கட்சிகளின் நோக்கம். 

மறுபுறத்தில், மாகாணசபை தேர்தல்களை விரைவாக நடத்துமாறு அரசாங்கத்துக்கு நெருக்குதலைக் கொடுப்பதற்கு மக்கள் போராட்ட இயக்கத்தை முன்னெடுக்கப் போவதாக  இடைக்கிடை அறிவிக்கும் சில தமிழ் கட்சிகள் சில நாட்களில் அதை மறந்து விடுகின்றன. உண்மையில், இது விடயத்தில் வடக்கு, கிழக்கில் இருந்தோ அல்லது தென்னிலங்கையில் இருந்தோ அரசாங்கத்துக்கு எந்தவிதமான நெருக்குதலும் கிடையாது.”

மேலும்

“அமெரிக்கா ,வெனிசுவேலா ஜனாதிபதி மடோரோவை கடத்துகின்ற இரகசிய இராணுவ நடவடிக்கையில் பங்குகொண்ட அமெரிக்க படைவீரர் ஒருவர் , அந்த தகவலை  “எதிர்வு கூறல்” அடிப்படையில்  பந்தயம் கட்டி 40,000 அமெரிக்க டொலர்களுக்கும் அதிகமாக பணத்தை பந்தய வெற்றி நிதியாக பெற்றிருக்கிறார் என்பது வெளிவந்துள்ளது.”

மேலும்

“உலக அரங்கில் ட்ரம்பின் இத்தகைய போக்கு பாரிய அதிர்வலைகளை ஏற்படுத்தி இருப்பதோடு, அமெரிக்கா ஈரானுக்கு இடையேயான சமாதானப் பேச்சுவார்தையையும் கேள்விக் குறியாக்கி இருக்கிறது. அமெரிக்காவும் ஈரானும் சமாதானப் பேச்சுவார்தையில் ஈடுபடுவதை விரும்பாதவர்போல் பெஞ்சமின் நெத்தன்னியாகு சதி முயற்சிகளில் ஈடுபட்டுக் கொண்டிருக்கிறார். ‘நுணலும் தன் வாயால் கெடும்’ என்பதற்கிணங்க ட்ரம்ப் மறதியும் மந்தபுத்தியுமுள்ள மனநோயாளி போல் தனது சமூகவலைத்தளத்திலும் ஊடக சந்திப்புக்களிலும் அறிக்கைகளை விட்டுக் கொண்டிருப்பது வெள்ளைமாளிகைக்குள்ளும் அமெரிக்க மக்கள் மத்தியிலும் பாரிய அதிர்வலைகளை ஏற்படுத்தி இருக்கின்றன. உலகமக்களை அச்சத்துக்கு உள்ளாக்கி இருக்கிறது. ஈரான் போரில் தோல்வி அடையாமல் இருக்கையில் அச்சமூட்டிப் பயமுறுத்திப் பேச்சுவார்த்தைக்கு அழைப்பதென்பது புத்திசாதுரியமல்ல.“

மேலும்

“மிகப் பெரும்பான்மையான மக்கள் இன்னமும் மதிப்பிற்குரிய தோழர் அநுரா அவர்கள் நாட்டு மக்களின் பொருளாதார வாழ்வை முன்னேறிச் செல்லும் பாதையில் கொண்டு சென்று நிறுத்தி உயர்ந்தெழுந்து ஓடச் செய்வார் என்று எதிர்பார்த்திருக்கிறார்கள். மதிப்பிற்குரிய ஜனாதிபதி அநுரா அவர்கள் மத்திய வங்கிக்குள்ளும் திறைசேரிக்குள்ளும் தனது அதிக அளவான நேரத்தை செலவளித்தால் மெய்யான பொருளாதார முன்னேற்றங்களுக்கான வியூகங்களைக் கண்டறிய மாட்டார். சுற்றிச்சுற்றி மேலும் தொடரும் நெருக்கடிகளை சமாளிப்பதற்கான பொறி முறைகளை பரிசோதிக்கும் கூடத்திலேயே அவரது காலம் கடந்து போகும். அரசியற் களத்தில் அவர் திறமைசாலி என்பதை தனது நாவன்மைகளாலும் உடல் மொழியாலும் தொடர்ந்து நிரூபிக்கிறார் ஆனால் நாட்டின் பொருளாதார களத்தில் அவர் தனது கால்களை இன்னமும் உழவுக்கும் தொழிலுக்கும் வந்தனை செய்யும் வகையாக நிலத்துக்கு இறக்கவில்லை.”

மேலும்

“முன்னைய எந்தவொரு அரசாங்கத்துக்கும் கிடைத்திராத பாராளுமன்றப் பெரும்பான்மை தேசிய மக்கள் சக்தி அரசாங்கத்துக்கு இருக்கிறது. 2024 பாராளுமன்ற தேர்தல் பிரசாரங்களின்போது ஜே.வி.பி. தலைவர்கள் தங்களுக்கு சுமுகமாக  அரசாங்கத்தை நடத்தக் கூடிய பெரும்பான்மை ஆசனங்கள் கிடைத்தால் போதுமானது என்று வெளிப்படையாகக் கூறியபோதிலும், மூன்றில் இரண்டுக்கும் அதிகமான ஆசனங்களை தேசிய மக்கள் சக்திக்கு மக்கள் வழங்கினார்கள். 

அத்தகைய பிரமாண்டமான பெரும்பான்மைப் பலத்தை அரசாங்கம் கொண்டிருக்கின்ற அதேவேளை, எதிர்க்கட்சிகள் முன்னென்றுமில்லாத அளவுக்கு பலவீனப்பட்டிருப்பது ஒரு கட்சி ஆட்சியில் அரசாங்கம் நாட்டம் காட்டக்கூடும் என்ற பீதிக்கு முக்கியமான ஒரு காரணம். ஆனால், அத்தகைய எந்த முயற்சியிலும் அரசாங்கம் இறங்கக் கூடிய சாத்தியம் இல்லை. என்றாலும், அவ்வாறான முயற்சி எதுவும் முன்னெடுக்கப்படுமானால் இலங்கைக்கு பல ‘அறகலய’ க்கள் தேவைப்படலாம்.”

மேலும்

“’உரிமைகள் மீது படுத்திருப்பவனுக்கல்ல, விழிப்பாய் இருப்பவனுக்கே சட்டம் துணை செய்யும்’ என நீதித்துறைக்கான கோட்பாடடில் ஒரு வாக்கியம் இருக்கிறது. இலங்கைத் தமிழர் சமூகம் இந்த மாகாண ஆட்சி முறையை தவற விட்டால் பரிணாமமாகும் கிராம ஆட்சி முறையை அங்கீகரித்து, ஏற்று தமது அரசியல் சமூக பொருளாதார நலன்களை அதனூடாக காப்பாற்றிக் கொள்வதற்கு இப்போதே இலங்கைத் தமிழர் சமூகம் மனதை திடப்படுத்திக் கொள்ள வேண்டும்..”

மேலும்

“இந்த விவகாரம் அமைச்சர், அமைச்சு அதிகாரிகளோடு மட்டும் சார்ந்த விடயம் அல்ல. இது நிறைவேற்று அதிகாரம் கொண்ட ஜனாதிபதியினால் நியமிக்கப்பட்ட அமைச்சர், அமைச்சின் செயலாளர், மற்றும் அமைச்சரவையின் தலைவராக ஜனாதிபதி, ஜனாதிபதியின் கீழான மூன்றில் இரண்டு பெரும்பான்மையை கொண்ட ஒரு பாராளுமன்றத்தின் செயற்பாடுகள்…. போன்ற பல விடயங்களால் சூழப்பட்ட ஒன்று. இது விடயத்தில் ஜனாதிபதியும், அமைச்சரவையும், பெரும்பான்மை பாராளுமன்றமும் செயற்பட்ட முறைகள்  கட்சி அரசியல் அற்ற, அரசியல் நேர்மை தவறாத, சட்டத்தை மதிக்கும், தனிப்பட்ட உறவுகளை கடந்த ஒரு அரசியல் அணுகுமுறையா? என்ற கேள்வியை எழுப்புகிறது. இதற்கு இல்லை என்பது தெளிவான பதிலாக இருக்க முடியும். இந்த வகையில் அமைச்சர் குமார ஜெயக்கொடியினதும், அவரது அமைச்சு செயலாளரதும் இராஜினாமா காலம் கடந்த, ஒன்று மட்டும் அல்ல அநுர அரசாங்கம் கண்கெட்ட பின்னர் செய்யும் சூரிய நமஸ்காரமுமாகும்.”

மேலும்

“நீளிரா ஒரு காலத்தைப் பிரதிபலிக்கும் சினிமா (Cinema that reflects the times). சுருக்கமாகச் சொன்னால் ஒரு காலச் சினிமா (Period cinema). என்பதால் அதற்குரிய அரசியலும் அதில் பேசப்படுகிறது. அந்த அரசியல் ஈழப்போரின்போதான மனித நிலவரத்தையும், போரின் மடமையையும் மையமாக வைத்து, எந்த ஒரு தரப்பினருக்கும் எதிராகப் பரப்புரை செய்யாத ஓர் எதிர்ப்போர் (anti – war) அரசியலாகும். தனியே ஒரு தரப்பைக் குற்றம் சாட்டாமல், நிகழ்வுகளை அப்படியே முன்வைப்பதன் மூலமாக பார்வையாளர்கள் தீர்மானித்துக் கொள்ளும் சுதந்திரத்தையும் உரிமையையும் சோமீதரன் அளிக்கிறார். முக்கியமாக எந்த ஒரு தரப்பையும் புறக்கணிக்காமல், போர், அதனுடைய வெற்றி – தோல்வி, தியாகம், தேசியவாதம், இரத்த வெறி போன்றவற்றைப் போற்றிக் கொள்ள முயலாத ஒரு முக்கியமான படைப்பாக உள்ளது.
இந்திய இராணுவ அணிக்குத் தலைமை ஏற்று வரும் கப்டன், இராணுவ அதிகாரியாகவும் (போரிடும் நிலையில் உள்ளவராகவும்) மறுமுனையில் மனிதநேயமுள்ளவராகவும் காட்டப்படுகிறார். இது இயல்பானதா? விதிவிலக்கானதா என்பது விவாதத்துக்குரியது. இத்தகைய விவாதத்தை உருவாக்குவதே கலையின் பணியாகும். அப்படித்தான் இந்திய இராணுவத்தை(இலக்கை) நெருங்கிய பிறகு அதைத் தாக்காமல் விட்டுச் செல்லும் போராளிகள்(இயக்கம்). இப்படி நடந்திருக்கிறதா? இப்படி நடக்குமா? என்பதும் விவாதத்திற்குரியதே. ஏன் நடக்க முடியாது? என்பதே கலையின் கேள்வியாகும். அப்படி அந்தப் போராளிகள் விலகிச் செல்வதால் அமைதியாகப் புலரும் காலையும் அந்தக் காலையில் கேட்கும் தேவாரமும் வெளியொலிகளும்(சூழலின் இசையும்) பெறுமதியாகின்றன.  தன்னுடைய முதற்படத்திலேயே பலரையும் ஊன்றிக் கவனிக்கவும் விரிவாகப் பேசவும் வைத்திருக்கிறார் சோமீதரன்.”

மேலும்

“இன்று இந்த காட்சிகளை காண்பது அரிதிலும் அரிது. இந்த வேளாண் பாரம்பரியங்களை தொலைத்து, இயற்கை வனப்பை அழித்து , இறந்திரமயமாக்கப்பட்டது மட்டும் அன்றி வாழ்க்கையையும் இயந்திரமாக்கிக்கொண்டுள்ளோம். மட்டக்களப்பு புத்தாண்டு கொண்டாட்டம், அதன் பாரம்பரியங்கள் குறித்து இரைமீட்பதற்கும், தொலைத்தவற்றை தேடுவதற்கும், மீட்டெடுப்பதற்குமான. ஒரு காலக்கடிகாரம்  மறுதிசையில்  இனி ஓடப்போவதில்லை. குறைந்த பட்சம் நாங்களே எங்கள் வளங்களையும், வசதி வாய்ப்புக்களையும் அழித்தை – இழந்ததை எண்ணி நவீன மயமாக்கல் மூலமான வர்த்தக மயமாக்கத்திற்கு “அபிவிருத்தி/ வளர்ச்சி/ நாகரிகம்” என்று பெயரிட்டு மாற்றுச் சமநிலை ஒன்றை பேணத் தவறிய குற்ற உணர்வை மறைக்க இந்த புத்தாண்டில் ஆவது யானைகள் மீது பழியைப்போடுவதை தவிர்ப்போம் என்றால் , அது ஒரு மாற்று  சிந்தனை துளியாக அமையும்.”

மேலும்

“ட்ரம்ப் முன்னுக்குப்பின் முரண்பாடாகச் செயற்படுகின்றார். இராணுவ வல்லமை அழிக்கப்பட்டுவிட்ட ஒரு நாட்டுடன் போர்நிறுத்தம் செய்வதற்கு இணங்குவது என்பது அவரின் அந்த முரண்பாடுகளின் ஒரு உச்சம் எனலாம். கோடிக்கணக்கான உயிர்களும் உலகப் பொருளாதாரத்தின் எதிர்காலமும் தனது சுயநல உள்ளுணர்வுகளினாலும் தன்னைச் சுற்றியுள்ள துதிபாடிகளினாலும் வழிநடத்தப்படும் ஒரு அமெரிக்க ஜனாதிபதியின் விருப்பு வெறுப்புக்களைச் சார்ந்திருந்திருக்கும் ஒரு உலகில் இன்று நாம் வாழ்கிறோம். போர்க் குற்றங்களைச் செய்யும் தங்கள் நோக்கத்தைப் பற்றி ட்ரம்ப் கும்பல் பகிரங்கமாக பெருமை பேசிக்கொள்கிறது.”

மேலும்